റമസാൻ സ്‌പെഷൽ നെയ്യട
1. മൈദ – ഒരു കപ്പ്
പാല്‍ – ഒരു കപ്പ്
ഉപ്പ് – ഒരു നുള്ള്
വെള്ളം – അല്‍പം
2. മുട്ട – നാല്
പഞ്ചസാര – മുക്കാല്‍ കപ്പ്
ഏലയ്ക്കാപ്പൊടി – ഒരു ചെറിയ സ്പൂണ്‍
3. നെയ്യ് – 100 ഗ്രാം
4. കശുവണ്ടിപ്പരിപ്പ് – കാല്‍ കപ്പ്
ഉണക്കമുന്തിരി – കാല്‍ കപ്പ്
പാകം ചെയ്യുന്ന വിധം
∙ ഒന്നാമത്തെ ചേരുവ അയഞ്ഞ പരുവത്തില്‍ കലക്കി വയ്ക്കുക.
∙ രണ്ടാമത്തെ ചേരുവ നന്നായി അടിച്ചു വയ്ക്കണം.
∙ നെയ്യില്‍ കശുവണ്ടിപ്പരിപ്പും ഉണക്കമുന്തിരിയും വറുത്തു വയ്ക്കണം.
∙ ചുവടു പരന്ന നോണ്‍സ്റ്റിക്ക് പാനില്‍ ഒരു ചെറിയ സ്പൂണ്‍ നെയ്യൊഴിച്ച ശേഷം ഒരു തവി മൈദ മിശ്രിതം ഒഴിച്ചു നന്നായി ചുറ്റിക്കുക. ഇതിനു മുകളില്‍ നെയ്യൊഴിച്ച് കശുവണ്ടിപ്പരിപ്പും ഉണക്കമുന്തിരിയും വിതറി അടച്ചു വച്ചു വേവിക്കണം.
∙ ഇതിനു മുകളില്‍ ഒരു ചെറിയ സ്പൂണ്‍ നെയ്യൊഴിച്ച ശേഷം മുട്ട മിശ്രിതം ഒഴിച്ച് കശുവണ്ടിപ്പരിപ്പും ഉണക്കമുന്തിരിയും വിതറി അടച്ചു വച്ചു വേവിക്കുക.
∙ ഇത്തരത്തില്‍ മൈദ മിശ്രിതവും മുട്ട മിശ്രിതവും ഇടവിട്ടൊഴിച്ചു വേവിച്ചെടുക്കണം. അവസാന ലെയറില്‍ കൂടുതല്‍ ഉണക്കമുന്തിരിയും കശുവണ്ടിപ്പരിപ്പും വിതറാം.
∙ ചൂടാറിയ ശേഷം കഷണങ്ങളായി മുറിച്ചെടുക്കാം.
